8મું પગાર પંચ 15 ફેબ્રુઆરી, 2025 સુધીમાં રચાઈ જશે. કમિશનના અહેવાલને 30 નવેમ્બર સુધીમાં અંતિમ સ્વરૂપ આપવામાં આવશે અને સરકાર ડિસેમ્બરમાં તેની સમીક્ષા માટે તપાસ કરશે.
8th Pay Commission Updates: કેન્દ્ર સરકાર દ્વારા કર્મચારીઓ અને પેન્શનરો માટે 8માં પગાર પંચની રચના કરવામાં આવી છે. જે 2026 થી અમલમાં આવશે. 8મા પગાર પંચની રચના કેન્દ્ર સરકારના કર્મચારીઓ અને પેન્શનરો માટે એક મહત્વપૂર્ણ નિર્ણય માનવામાં આવે છે. જે 10 વર્ષ માટે તેમના પગાર અને પેન્શન નક્કી કરે છે. ભારતમાં 1 કરોડ લોકો કેન્દ્ર સરકારના કર્મચારી અથવા નિવૃત્ત કર્મચારીઓ છે. અગાઉ યુપીએ સરકારે 2014 માં 7માં પગાર પંચની રચના કરી હતી અને એનડીએ સરકારે 2016 માં લાગુ કર્યું હતું.
કેટલો પગાર વધારો થઈ શકે
નેશનલ કાઉન્સિલ-જોઈન્ટ કન્સલ્ટેટિવ મશીનરી સ્ટાફ સાઈડ લીડર એમ. રઘવૈયાએ NDTV પ્રોફિટને જણાવ્યું હતું કે તેઓ નવા પગાર પંચ હેઠળ ફિટમેન્ટ ફેક્ટર 2 પર વિચાર કરશે, જે 100 ટકા પગાર વધારા સમાન હશે. ભારતના ભૂતપૂર્વ નાણા સચિવ સુભાષચંદ્ર ગર્ગે જણાવ્યું હતું કે સરકાર 1.92 થી 2.08 ની વચ્ચે ફિટમેન્ટ ફેક્ટરને મંજૂરી આપી શકે છે. દરમિયાન, NC-JCM ના સેક્રેટરી સ્ટાફ સાઇડ શિવ ગોપાલ મિશ્રાએ જણાવ્યું હતું કે નવું ફિટમેન્ટ ફેક્ટર 2.86 કરતા ઓછું ન હોવું જોઈએ. આ ફિટમેન્ટ પરિબળોને ધ્યાનમાં લેતાં સંભવિત પગાર સુધારો 92% થી 186% સુધીનો હોઈ શકે છે.
ફિટમેન્ટ ફેક્ટર ન્યૂનતમ મૂળ પગાર ન્યૂનતમ મૂળભૂત પેન્શન
1.92 34,560 17,280
2 36,000 18,000
2.08 37,440 18,720
2.86 51,480 25,740
8મું પગારપંચ ક્યારે અમલમાં આવશે
નવું પગાર પંચ નાણાકીય વર્ષ 2025-26 હેઠળ એપ્રિલ 2025 માં તેનું કાર્ય શરૂ કરી શકે છે. જોકે શિવ ગોપાલ મિશ્રાએ કહ્યું કે મને આશા છે કે 8મું પગાર પંચ 15 ફેબ્રુઆરી, 2025 સુધીમાં રચાઈ જશે. કમિશનના અહેવાલને 30 નવેમ્બર સુધીમાં અંતિમ સ્વરૂપ આપવામાં આવશે અને સરકાર ડિસેમ્બરમાં તેની સમીક્ષા માટે તપાસ કરશે. ત્યારબાદ નવું પગાર પંચ જાન્યુઆરી 2026 થી અમલમાં આવી શકે છે.