🌐 ફિક્સ પગાર કેસ બાબતના મહત્વના સમાચાર

ફિક્સ વેતનદારોએ કહ્યું, સુપ્રિમમાંથી કેસ પાછો ખેંચો, એરિયર્સ માટે વિકલ્પ તૈયાર *

એરિયર્સ ચૂકવણી માટે આવનારા ૧૦ વર્ષની લાંબી મુદ્દતમાં ત્રણ વિકલ્પની પેશકશ

1 ગાંધીનગર |

ગુજરાતમાં વર્ષ ૨૦૦૬થી ફિક્સ વેતન નીતિ અમલમાં છે. વર્ષ ૨૦૧૨માં ગુજરાત હાઈકોર્ટે સમાન કામ- સમાન વેતનના સિધ્ધાંતે આ નીતિ સામે ચૂકાદો જાહેર કર્યો ત્યારે સરકાર સમક્ષ એરિયર્સની ચુકવણી મુદ્દે વિકટ પ્રશ્ન ઉપસ્થિત થયો હતો. જેથી ગુજરાત સરકારે હાઈકોર્ટના ચૂકાદાને સુપ્રિમ કોર્ટમાં પડકાર્યો, જેનો નિવેડો ૧૨ વર્ષ પછી પણ આવ્યો નથી. આ સ્થિતિમાં ફિક્સ વેતન નીતિ નાબુદી માટે સુપ્રિમ કોર્ટમાં ન્યાયિક લડત આપી રહેલા ટીમ ફિક્સ-પે દ્વારા કેસ પાછો ખેંચવા, એરિયર્સની ચુકવણીના ત્રણ વિકલ્પની ડ્રાફ્ટ પોલિસી તૈયાર કરી મુખ્યમંત્રી ભૂપેન્દ્ર પટેલ સમક્ષ વચગાળાનો રસ્તો કાઢવા માંગણી થઈ છે.

ટીમ ફિક્સ પે તરફથી મુખ્યમંત્રીને સંબોધીને થયેલી રજૂઆતમાં કહેવાયુ છે કે, નાણા વિભાગે ૧૬મી ફેબ્રુઆરી ૨૦૦૬ના ઠરાવથી રાજ્યના વર્ગ-૩ના કર્મચારીઓને પાંચ વર્ષ ફિક્સ વેતન હેઠળ નિમણૂંક આપવાની નીતિ લાગુ થયાને દોઢેક વર્ષમા બે દાયકા થશે. હકીકતમાં આ નીતિ સામે વર્ષ

ટીમ ફિક્સ-પે દ્વારા સુચવાયેલા ત્રણ વિકલ્પ

વિકલ્પ ૧ : વર્ષ ૧૯૯૮થી આજ સુધી જે ફિક્સ- પેમાં નિયુક્ત થયા તેઓ હાલમાં જે પગાર લઈ રહ્યા છે, તેમાં બેઝિક પગાર પછીના પાંચમાં ક્રમે આવતો બેઝિક મુજબ પગારની બાંધણી થાય. જેથી આગામી ૧૦ વર્ષ સુધી સરકાર એરિયર્સની રકમ ભરપાઈ કરી શકશે

.

વિકલ્પ ૨ : ઉપર મુજબ ગણતરીથી મળનારા એરિયર્સની કુલ રકમને આગામી ૧૦ વર્ષ માટે, ૧૨૦ હપ્તામાં ચૂકવવામાં આવે તો સરકારની તિજોરી પર ભારણ વગર સરળતાથી એરિયર્સ ભરપાઈ થઈ શકે છે. આ બંને વિકલ્પથી ભારણ પડતુ હોય તો ત્રીજો વિકલ્પ પણ છે.

વિકલ્પ ૩ : જૂની પેન્શન યોજના પુનઃ બહાલ કરી GPF ખાતા ખોલી એરિયર્સની રકમ પગાર તરીકે આપવાને બદલે GPFમાં જમા કરાવે. જેથી એરિયર્સની રકમ નિવૃતિ સુધી ઉપાડી નહી શકાય. સરકાર પોતે તેનો ઉપયોગ કરી શકશે. ભારણ એક સાથે કે તેનુ સાતત્ય ઘટશે.